Saǵyntaev Básekege qabilettilik jónindegi saraptama keńesiniń otyrysyn ótkizdi
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń qatysýymen Básekege qabilettilik jónindegi saraptama keńesiniń otyrysy ótti, dep habarlaıdy primeminister.kz saıty.
Otyrys barysynda medıtsına men bilim berýdegi qyzmetter sapasy men deńgeıin damytý máseleleri talqylandy.
«Sentras» kompanııalar tobynyń bas dırektory E. Ábdirazaqov pen Verny Capital bas dırektory E. Ospanov kún tártibine sáıkes baıandama jasady.
Máselelerdi talqylaýǵa bilim jáne ǵylym mınıstri Erlan Saǵadıev, densaýlyq saqtaý mınıstri Eljan Birtanov, «Raıymbek» korporatsııasynyń dırektorlar keńesiniń tóraǵasy R. Batalov, BeInTech kompanııasynyń bas atqarýshy dırektory B. Mýsın jáne t.b. qatysty.
