Saǵyntaev BAÁ syrtqy ister jáne halyqaralyq yntymaqtastyq mınıstrimen kezdesti
ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev Birikken Arab Ámirlikteriniń syrtqy ister jáne halyqaralyq yntymaqtastyq mınıstri sheıh Abdalla ben Zaıd Ál-Nahaıanmen kezdesti. Bul týraly Úkimet basshysynyń resmı saıtynda málim etildi.
Kezdesý barysynda QR Prezıdenti N. Nazarbaevtyń bıyl 15-16 qańtarda BAÁ-ge resmı sapary barysynda qol jetkizilgen birlesken jobalar men ekijaqty ýaǵdalastyqtardy iske asyrý barysy talqylandy.
Budan ózge, saýda-ekonomıkalyq, ınvestıtsııalyq, mádenı-gýmanıtarlyq salalardaǵy ózara is-qımyldy odan ári damytý, sonymen qatar ǵaryshtyq jáne energetıkalyq yntymaqtastyqty damytý keleshegi jónindegi máseleler qaraldy.
