Saǵyntaev Azııa parlamentshileri forýmynyń tóraǵasymen kezdesti
ASTANA. QazAqparat - Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev halyqtyń qonystanýy jáne damýy jónindegi Azııa parlamentshileri forýmynyń tóraǵasy Keızo Takemımen kezdesý ótkizdi.
Kezdesý barysynda turǵyndardyń ómir súrý deńgeıi men ál-aýqatyn arttyrý boıynsha bastamalardy iske asyrý salasyndaǵy ózara is-qımyl máseleleri talqylandy.
Aıta keteıik, Halyqtyń qonystanýy jáne damýy jónindegi Azııa parlamentshileri forýmy (HQDAPF) BUU qorynyń halyqtyń qonystanýy salasyndaǵy bastamasymen 1981 jyly qurylǵan. Forým halyqaralyq úkimettik emes uıym bolyp tabylady.
Forýmnyń hatshylyǵy Bangkokta (Taıland) ornalasqan. HQDAPF quramynda halyqtyń qonystanýy jáne damýy jónindegi parlamentshilerdiń 29 ulttyq komıteti jumys jasaıdy. Forýmnyń joǵary organy - Bas assambleıa. Bas assambleıanyń otyrysy ár 3 jyl saıyn ótkiziledi.
