Saǵyntaev azamattardy anyqtamalarmen ary-beri júgirtpeýdi eskertti
«Elektrondyq úkimetti» jetildirý boıynsha jumysty toqtatqan emespiz. 2004 jyldan elimizde «elektrondyq úkimetti» engize bastadyq. Ol úshin Estonııadan mamandardy shaqyrttyq. Bul el kezinde Keńes Odaǵy quramynda bolǵandyqtan, bıýrokratııalyq mashına dál bizdegideı qalyptasqan edi. Osy oraıda olardyń bul kedergini qandaı jolmen sheshkendigin qaraý kerek boldy»,-dep toqtaldy Úkimet basshysy Astana ekonomıkalyq forýmy aıasyndaǵy Innovatsııalyq sammıt barysynda.
Saǵyntaev búginde Aqparat jáne kommýnıkatsııalar mınıstrligi men tıisti holdıngter aldynda osy salada qalys kele jatqan tustardy qarqyndy túrde eńserý maqsaty qoıylǵanyn jetkizdi. Ol úshin kezinde Egov.kz-ny iske qosýǵa kómektesken estondyq mamandar qaıta shaqyrtylǵan kórinedi.
«Olar bizdiń aqparattyq júıeniń aýdıtine kiristi. Olardyń aldyn ala baǵalaýy ońtaıly boldy. Bir jaǵynan alyp qaraǵanda, bul esep bizdi qýantqanymen, alaıda múlde tynyshtandyrǵan joq. Sebebi bul ońtaıly qadamdar búginde azamattardy qanaǵattandyrmaı otyr. Bizdiń azamattardyń maqsatty saýattylyǵy ósip keledi, osy rette adamdar júıe arqyly kórsetiletin qyzmetterdiń sany arta túskenin qalaıdy. Biz óz kezegimizde turǵyndardyń qalaýyn iske asyrýymyz kerek»,-dedi Premer-Mınıstr.
Úkimet basshysy osyǵan baılanysty «elektrondyq úkimet» tujyrymdamasy ózgergenin jáne «Azamattarǵa arnalǵan úkimet» memlekettik korporatsııasynyń jańa mazmuny tanystyrylǵanyn eske salyp ótti.
Premer-Mınıstr eger de Úkimetke qandaı da bir qujattar qajet bolsa, bul baǵytta azamattardy qınaýdyń qajeti joq ekenin, qandaı da bir anyqtamany izdetkizip, adamdardy ary-beri júgirtýge jol berilmeý tıistigin atap ótti.
«Jalpy biz halyqtyń talaptaryna jaýap berýimiz kerek»,-dep túıindedi sózin Saǵyntaev.