Saǵyntaev Atyraýdaǵy APEC Petro Technic tehnıkalyq mektebin aralady
ASTANA. QazAqparat - Memleket basshysynyń tapsyrmasymen QR Premer-Mınıstri Baqytjan Saǵyntaev jumys saparymen Atyraý oblysyna bardy, onda «Qazaqstannyń úshinshi jańǵyrýy: jahandyq básekege qabilettilik» Joldaýy men Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy mindetterdi iske asyrý barysymen tanysady, dep habarlaıdy primeminister.kz
Baqytjan Saǵyntaev óńirde «Qashaǵan» ken orny nysandarynyń jumysyn tekseredi, olardyń ishinde «D» jasandy araly, «Bolashaq» munaı jáne gazdy qaıta óńdeý zaýyty jáne túıirshiktelgen kúkirt óndiretin zaýyt bar. Sondaı-aq, QR Premer-Mınıstri «Nurly Jer» baǵdarlamasyn iske asyrý aıasynda kóppáterli turǵyn úıler qurylysynyń barysymen tanysady, munaıgaz salasyna kadrlar daıarlaý boıynsha APEC Petrotechnic Joǵary tehnıkalyq mektebin, Caspian Royal Fish balyq ósirý keshenin aralaıdy, sondaı-aq Atyraý qalasynyń HQKO-larynyń biriniń jumysyn tekseredi.
QR Premer-Mınıstri Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýy aıasynda munaıgaz salasy kásiporyndaryn tehnologııalyq jańǵyrtý máseleleri jóninde aýqymdy keńes, ShOB damytý máseleleri boıynsha «Atameken» kásipkerler palatasynyń Óńirlik keńesiniń múshelerimen kezdesý, sondaı-aq bolashaq mamandyqtarǵa kadrlar daıarlaý máseleleri boıynsha stýdent jastarmen kezdesý ótkizedi.
Eń aldymen Baqytjan Saǵyntaev APEC Petro Technic Joǵary tehnıkalyq mektebin aralap, munaıgaz salasyna arnalǵan kadrlardy oqytýdyń zamanaýı formattarymen tanysty. QR Premer-Mınıstri jataqhanalardy, munaıgaz salasyndaǵy hımııalyq jáne fızıkalyq protsester zerthanalaryn, sondaı-aq oqý ornynyń sheberhana ǵımarattaryn aralady.
Aıta ketsek, APEC Petrotechnic Joǵary tehnıkalyq mektebi 2012 jyldyń sońynda paıdalanýǵa berildi. Qazirgi ýaqytta mekeme alty mamandyq boıynsha munaıgaz salasyna kadrlar daıarlaýmen aınalysady: munaı jáne gaz óndirý tehnologııasy, ken oryndaryn paıdalaný, burǵylaý tehnologııasy, elektrmen qamtý, hımııalyq ınjınırıng tehnologııasy men BÓAjáneA ınjınırıngi tehnologııasy.
ARES Petro Technic-te oqytý aǵylshyn tilinde tegin memlekettik bilim berý tapsyrysy esebinen júrgiziledi, budan ózge mekeme stýdentteri men oqytýshylaryna turǵyn úı beriledi. Kúndizgi oqytýda barlyǵy 760 stýdent oqıdy.
Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýynda alǵa qoıylǵan mindetterdi iske asyrý aıasynda adamı kapıtaldy damytý ekonomıkalyq ósimniń jańa úlgisin qalyptastyrý kezinde QR Úkimeti jumysyndaǵy negizgi baǵyttardyń biri retinde aıqyndalǵan. Oǵan qosa, bul máselede qazaqstandyqtarǵa zamanaýı bilim alýǵa jáne óz quzyrettilikterin keńeıtýge múmkindikterdi qamtamasyz etýge basa nazar aýdarylady.
