Saǵyntaev Armenııa premer-mınıstrimen yntymaqtastyqtyń jańa baǵyttaryn talqylady
ASTANA. QazAqparat - Búgin Qazaqstan Respýblıkasynyń Úkimet basshysy Baqytjan Saǵyntaev Armenııa Respýblıkasynyń Premer-Mınıstri Karen Karapetıanmen kezdesý ótkizdi, dep habarlaıdy primeminister.kz.
Kezdesý barysynda saýda-ekonomıkalyq qatynastar, atap aıtqanda yntymaqtastyqtyń jańa formalaryn odan ári damytý perspektıvalary talqylandy. Onyń ishinde kórsetiletin qyzmetter men jańa tehnologııalar saýda-sattyǵy bar.
Osy oraıda, saýda-ekonomıkalyq yntymaqtastyq jónindegi qazaqstandyq-armıandyq Úkimetaralyq komıssııanyń nátıjeli jumysy atalyp ótti.
Sondaı-aq, tranzıttik-logıstıkalyq áleýetti damytý, halyqaralyq uıymdar aıasyndaǵy jáne Eýrazııalyq ekonomıkalyq odaqtaǵy ıntegratsııalyq úderisterdi nyǵaıtýdaǵy ózara árekettestik máseleleri sóz boldy.
