Saǵyntaev Almatynyń qansha turǵyny vaktsına alýǵa tıistigin aıtty
NUR-SULTAN. QazAqparat – Almaty qalasynda vaktsına alýǵa jatatyn halyqtyń 37 paıyzy koronavırýsqa qarsy ekpeniń birinshi komponentin aldy. Bul týraly Almaty ákimi Baqytjan Saǵyntaev Ortalyq kommýnıkatsııalar qyzmetinde ótken baspasóz máslıhatynda aıtty, dep habarlaıdy QazAqparat tilshisi.
«Vaktsına saldyrý boıynsha bizde búginge deıin 403 myń adamǵa birinshi komponent egildi. Eki komponentin tolyq salǵandar sany – 220 myń. Jalpy qalada 1 mln 950 myń halyq turady dep alsaq, emhanalarda tirkelgender sany 2 mln 100 myń bolady. Osynyń 1mln 100 myńyn vaktsına alýǵa tıesili dep eseptep otyrmyz. Sonda 403 myń adam nemese 37 paıyzǵa deıin birinshi komponentpen qamtyldy. Bizde 0 men 18 jas aralyǵyndaǵy 600 myńdaı bala bar. Olarǵa vaktsına salýǵa bolmaıdy. Oǵan qosymsha vaktsına salýǵa bolmaıtyn sebepteri bar adamdardyń sanaty bar. Sonda ekpe alýǵa tıis 1,1 mln adamnyń 403 myńyn vaktsınadan ótkizdik», - dedi ákim.
Buǵan deıin habarlaǵanymyzdaı, Almaty qalasynda bir táýlikte 9 449 adam koronavırýsqa qarsy vaktsına saldyrdy.
