Saǵyntaev Almatynyń aýa sapasyn kórsetip turatyn LED-ekrandardy qosty
ALMATY. QazAqparat –Almatyda qala turǵyndaryn megapolıstiń ár aýmaǵyndaǵy aýa sapasy týraly habardar etetin joba iske qosyldy. Bul týraly ákim Baqytjan Saǵyntaev Twitter-degi paraqshasynda jazdy, dep habarlaıdy QazAqparat.
«Atmosferalyq aýanyń sapasyn LED-ekranda kórsetemiz. Qalanyń ár bóliginde ornalasqan datchıkterdegi aqparatty Qazgıdromet jańartyp, óńdeıdi. Bul joba almatylyqtardyń qalanyń ekologııalyq ahýalyn bilip otyrýyna múmkindik beredi», - dep jazdy B. Saǵyntaev.
Aqparat 26 datchık arqyly jaqyn mańdaǵy LED-ekranǵa túsedi. Mundaǵy málimetter bir kúnde úsh ret jańartylady.
Qosymsha taǵy 10 monıtorıngilik stansa qosylatyn bolady.
Málimetter aýanyń negizgi 6 kórsetkishinen turady. Olar: RM 2,5 ólshengen bólikteri, kúkirt dıoksıdi, azot dıoksıdi, azot oksıdi, kómirtegi oksıdi, fenol.
Bul joba Almaty ákimi Baqytjan Saǵyntaevtyń tapsyrmasyna sáıkes júzege asyp otyr jáne qalanyń ekologııalyq ahýalyn jaqsartýdyń keshendi sharalarynyń biri bolyp tabylady.
Aıta keteıik, ekologııalyq aqparatqa qoljetimdilik quqyǵy QR Ekologııalyq kodeksinde aıtylǵan.
