Saǵyntaev Almatynyń 2050 jylǵa deıingi Damý strategııasy týraly aıtty
B. Saǵyntaev qalanyń Damý strategııasy jóninde ál-Farabı atyndaǵy Qazaq ulttyq ýnıversıtetiniń stýdentterimen kezdesý barysynda málim etti.
«Búginde Elbasynyń tapsyrmasyna sáıkes, qalanyń uzaqmerzimdi Damý strategııasynyń jobasyn jasadyq. Bul qujatty «Almaty-2050» dep atadyq. Men sizdermen qalamyzdyń damýy týraly ózimniń kózqarasymmen bóliskim keledi. Sizderdiń de bul jobaǵa qatysyp, qoldaıtyndaryńyzǵa senemin», - dedi ol jınalǵandarǵa.
Ákimniń aıtýynsha, birinshi strategııalyq basymdyq – ǵalamdyq «aqyldy» qala bolý. Sarapshylardyń boljaýynsha, 2030 jylǵa qaraı megapolıs turǵyndarynyń sany 5 mıllıonǵa jetedi.
«5 mıllıon – bul Úlken Almaty. Úlken Almaty – bul Almaty qalasy jáne qalamańy, ıaǵnı almatylyq aglomeratsııa. Janymyzda Almaty oblysynyń 5 aýdany ornalasqan. Onda oblys halqynyń 60% turady. Olar Taldyqorǵanǵa barmaıdy. Sebebi, bul óte alys, barlyǵy bizdiń shaharǵa keledi. Qazir Almatyda 3 mıllıon adam turady, 2030 jylǵa qaraı 5 mıllıonǵa jetedi. Sondyqtan halyqtyń ósýine baılanysty ınfraqurylymǵa júkteme barlyq damýshy qalalar úshin ǵalamdyq mindet bolyp tabylady. Olardyń qatarynda bizde barmyz. Bizge de, basqa álemdik megapolıster sııaqty, ýrbanızatsııa daǵdarysy tónip tur. Kóship kelýshiler sany jyl saıyn artyp keledi. Bul, qalanyń barlyq áleýmettik, ınjenerlik, kólik ınfraqurylymyn qaıta júkteý qajettigine alyp keledi», - dedi ákim.
Sondyqtan, Úlken Almatynyń bútin aglomeratsııasy aýqymyndaǵy sheshimder úshin proaktıvti josparlaý jáne jobalaý, smart-tásilder qajet», - dedi Baqytjan Saǵyntaev.
«Aglomeratsııany esepke almaǵanda, qala halyqynyń sany 3-3,5 mıllıon adam. 2030 jyldan keıin ony osy deńgeıde ustap turý úshin qala mańyn damytýymyz kerek. Ol jerde jumys oryndaryn ashyp, áleýmettik ınfraqurylymdy qurýymyz qajet. Sondaı-aq, sol jerlerge qoǵamdyq kólikterdi tartýymyz kerek. LRT, BRT elektr poıyzyn iske qosýymyz tıis», - dedi ákim.
