Saǵyntaev almatylyqtardy nelikten jeke qabyldamaı jatqanyn túsindirdi
ALMATY. QazAqparat - Almaty qalasynyń ákimi Baqytjan Saǵyntaev almatylyqtar onyń jeke qabyldaýyna nelikten kire almaı júrgenin túsindirdi, dep habarlaıdy QazAqparat tilshisi.
«Jeke qabyldaýyma qatysty aıtsam, men kezdesken barlyq aýdan turǵyndary jeke qabyldaýyma kire almaı jatqandaryn alǵa tartady. «Qońyraý shaldyq, jazyldyq», - deıdi. Buǵan ákimdik qyzmetkerleri kináli emes. Eki aı boıy eshkimdi qabyldamaıtynymdy ózim aıttym. Óıtkeni, eń aldymen, turǵyndarmen ózim baryp kezdesýdi jón kórdim. Óz kózimmen kórip, turǵyndardy tyńdaǵym keldi. Qyrkúıek aıynan bastap, aıyna eki ret qabyldaý ótkizemin. Bir ret ákimdikte, ekinshi ret «Nur Otan»-da qabyldaıtyn bolamyn», - dedi Baqytjan Saǵyntaev Almaty qalasy Bostandyq aýdanynyń turǵyndarymen kezdesýde.
Aıta ketý kerek, jınalysqa kelgenderdiń basym bóligi, ákimnen olardy jeke qabyldaýdy ótindi. Olardyń barlyǵy qyrkúıek aıynda ákim qabyldaýyna shaqyrylady.
