Saǵyntaev Almaty mektepterindegi oryn tapshylyǵyn qalaı retteıtinin aıtyp berdi
NUR-SULTAN. QazAqparat - Almatyda aldaǵy eki jyl ishinde jıyny 13 myń orynǵa arnalǵan birneshe mektep ashylady. OKQ-da ótken baspasóz máslıhatynda Almaty qalasynyń ákimi Baqytjan Saǵyntaev osylaı málim etti, dep habarlaıdy QazAqparat tilshisi.
«Mektep boıynsha problema bar. Bir synypta 40 oqýshydan otyrǵandar da bar. Dese de, jaǵdaıdy jaqsartý máselesin memlekettik-jekemshelik áriptestik arqyly sheship, tıisti modeldi ázirlep, ınvestorlardyń qoldaýymen defıtsıtti joıamyz degen oıdamyn», - dedi ákim tilshilerdiń suraǵyna jaýap bere otyryp.
Baqytjan Saǵyntaev QR Prezıdenti Qasym-Jomart Toqaevtyń mektepter men balabaqshalardaǵy oryn tapshylyǵy problemalaryn sheshý jóninde bergen tapsyrmasynyń qalaı júzege asatyny týraly tolyǵyraq baıandamasynda da aıtty.
«Búgingi kúni Almaty mektepterindegi oryn tapshylyǵy 30 myńdy quraıdy. Balabaqshalarda oryn tapshylyǵy — 20 myńnan astam. Bul problemalardy sheshý úshin memlekettik-jekeshelik áriptestik qaǵıdasy boıynsha mektepter salý baǵdarlamasy ázirlendi. Taıaý aradaǵy eki jyl ishinde shamamen 13 myń oryndy segiz mektep salynady», — dedi qala ákimi.
Ákimniń aıtýynsha, 2020 jyldyń basynda 790 oryndy bes balabaqsha paıdalanýǵa beriledi. Jańa oqý jylynda 1 800 oryndy eki mektep jáne burynnan bar mektepterdiń janynan 2 017 oryndyq bes qosalqy nysan iske qosylady.
Budan ózge, bul iske memlekettik bilim berý tapsyrysyn ornalastyrý jolymen jeke bıznes tartylýda. 2020-2022 jyldary jeke ınvestıtsııalyq esebinen 2 240 oryndy tórt mektepti, 8 000 oryndy 300 balabaqshany ashý josparlanyp otyr.
«Osylaısha atalǵan sharalar eki aýysymda bilim alatyn mektepterdegi tapshylyqty 30 myń orynǵa qysqartady. Sonymen qatar, balabaqsha kezegin 10 myń orynǵa azaıtady», — dep atap ótti Almaty ákimi.
