Saǵyntaev Almaty «qyzyl» aımaqtan qashan shyǵatynyn aıtty

ALMATY. QazAqparat - Almaty ákimi Baqytjan Saǵyntaev barlyq azamattardy sanıtarlyq-epıdemıologııalyq qaýipsizdik sharalaryn saqtaýǵa jáne vaktsına salýǵa shaqyrdy. Bul jaǵdaıdy turaqtandyrýǵa múmkindik beredi, dep habarlaıdy QazAqparat tilshisi.

«Almaty» telearnasynyń tikeleı efırinde ákim 957 myń almatylyq vaktsına salyrǵanyn, onyń ishinde 277 144 adam ekpeniń birinshi komponentin alǵanyn atap ótti.

«Búgingi kúni vaktsınatsııa deńgeıi burynǵydaı emes, sál báseńsidi. Biz turǵyndar arasynda túsindirý jáne aqparattandyrý jumystaryn júrgizip jatyrmyz. Halyq arasynda qorqynysh bar, vaktsına týraly neshe túrli aqparat taratýshylar kóp. Antıvakserlar uıyqtamaıdy. Ártúrli áńgimeler oılap, áleýmettik jeli arqyly taratady. Men olardy tyńdamaýǵa kerisinshe dárigerler men ekpe saldyrǵan adamdardy tyńdaýǵa keńes beremin», - dedi ákim.

Onyń aıtýynsha, qalada koronavırýs juqtyrǵandar sany azaıyp keledi.

«Eger biz osy baǵytymyzben alǵa jyljı bersek, onda jaqyn arada biz «qyzyl» aımaqtan shyǵamyz. Sol kezde kóptegen shekteýler alynyp tastalady», - dep qosty Baqytjan Saǵyntaev.