Saǵyntaev «Almaty» GTS-2-den shyǵatyn gaz ıisine qatysty másele sheshiletinin aıtty
ALMATY. QazAqparat – Almaty ákimi Baqytjan Saǵyntaev qalanyń birneshe «osal» aımaqtarynda boldy, bul jerler almatylyqtarmen bolǵan kezdesýlerde aıtylǵan edi, dep habarlaıdy QazAqparat.
Sonyń biri - «Almaty» GTS-2-den shyǵatyn gaz ıisine qatysty turǵyndardyń shaǵymdary.
«QazTransGaz Aımaq» kompanııasy syıymdylyqtardy odorantpen toltyrý kezinde tógiletin gazdy tazalaýǵa arnalǵan qosymsha súzgiler ornatty. «GTS-2 qýatyn Almaty qalasynan tys jerge shyǵarý» jobasy aıasynda «QazTransGaz» AQ-men «Qaırat» stansasynda jalǵastyrýshy gaz qubyryn salý máselesi pysyqtalýda. Osylaısha GTS-2 gaz taratý pýnktine aýystyrylady. Bul rette odorızatsııa júıesi qaladan tys jerge shyǵarylady», delingen qala ákiminiń Instagram-daǵy paraqshasynda.
Kelesi másele - Baým baǵy abattandyrý.
«Biregeı saıabaq aımaǵynyń ekologııalyq balansyn buzbaıtyn tabıǵı materıaldardy paıdalaný jónindegi sarapshylardyń pikirin eskerý qajet», -dedi ákim.
Baqytjan Saǵyntaev Úlken Almaty kanalyn jóndeýge de toqtala ketti.
«Arnada sý jiberý úshin aǵymdaǵy jóndeý jumystaryn júrgizemiz. Sonymen qatar, turǵyndardyń ótinishi boıynsha «Dorojnık» yqshamaýdanyndaǵy Esentaı ózeniniń boıynda saıabaq aımaǵyn qurý múmkindigin qarastyramyz», - dedi ákim.
