Saǵyntaev áleýmettik ınfraqurylymdarǵa erekshe nazar aýdarýdy tapsyrdy
ALMATY. QazAqparat - Almaty qalasynyń ákimi Baqytjan Saǵyntaev Medeý aýdanynyń áleýmettik-ekonomıkalyq jaǵdaıymen tanysty, dep habarlaıdy QazAqparat tilshisi.
«Búgin Medeý aýdanyndamyn. Munda ınfraqurylym damyǵan. Degenmen, turǵyndardy alańdatatyn birqatar máseleler bar. Aýdanda qurylys qarqyndy júrgenimen, balalar alańdary jetispeıdi»,-dep jazady Baqytjan Saǵyntaev Facebook-tegi paraqshasynda.
Qala basshysy aýdan ákimine kommýnaldyq jelilerdiń jaǵdaıyna, apatty jaǵdaılar kezindegi qaýipsiz aýmaqty tazalaýǵa, sondaı-aq Dýman, Aqqaıyń yqsham aýdandaryndaǵy joldar men sýdyń sapasyna nazar aýdarýdy tapsyrdy.
«Kóshelerdi jóndegende múmkindigi shekteýli jandarǵa kedergisiz orta qalyptastyrýǵa barynsha kóńil bólý qajet. Yńǵaıly trotýarlar jáne qozǵalys bóliginen ótý úshin qaýipsiz jaıaý júrginshi joldary qajet»,-dedi Almaty qalasynyń ákimi.
Budan bólek, salynyp bitpegen turǵyn úı úleskerlerine, topyraq kóshetin qaýipti aımaqtardaǵy jeke úılerge qatysty problemalar jeterlik. Osy máselelerdiń barlyǵyn jiti tekseretindigin aıtty.
