Saǵyntaev: Aqtóbe agromıratsııa ortalyǵyna aınalýy úshin halyq sanyn kóbeıtý qajet

Úkimet basshysy Baqytjan Saǵyntaev búgin áleýmettik sala qyzmetkerlerimen kezdesýi kezinde keshe keshkilik qar aralas jańbyr jaýyp, alaı-dúleı boran bolǵanyn aıtyp ótti. Degenmen, Premer-Mınıstr óńirde atqarylyp jatqan isterge kóńili tolatynyn, sol úshin aqtóbelikterge rızashylyǵyn bildiretinin jasyrmady. Tipti, oblys ákimi Berdibek Saparbaevtyklondaýdy usyndy . 

Sapar kezinde Baqytjan Saǵyntaev Aqtóbeniń algomıratsııa ortalyǵyna aınalýy úshin halyq sanyn arttyrý qajet ekenin aıtty.

«Astana, Almaty, Shymkent jáne Aqtóbe. Tórt oblystyń biri bolyp Aqtóbe aglomıratsııaǵa aınalamyn dese, kóp jumys atqarýy tıis. Jospar qandaı ekenin suradym. 2030 jylǵa qaraı óńir halqynyń sany 1 mıllıonǵa jetedi eken. Arada 13 jyl bar. Kútip otyra beremiz ba? Ekonomıkamyz qalaı damıdy? Shyǵarǵan ónimdi bireý satyp alý kerek. Satyp almasa jabylady. Máselen, elimizde Indýstrııalandyrý kartasy aıasynda iske qosylǵan 72 joba toqtap tur. Onyń tórteýi Aqtóbede. Tórt kásiporyn 1 myń adamdy jumyspen qamtamasyz etip otyrǵan eken. Qazir Berdibek Saparbaev jabylǵan zaýyttardy qaıta iske qosý úshin jumys istep jatyr. Bálkim, bul tórt jobany alǵashynda iske asyrý kerek te bolmaǵan shyǵar? Sol jobalardy iske asyrýǵa bólingen qarjyny shaǵyn jáne orta bızneske bólgen kezde, olar 5 myń jumys ornyn ashar edi. Eger bireýi jabylsa, basqa shaǵyn kásipkerlikke jumysqa ornalasa alady. Al birden 300 adam jumyssyz qalsa, ákimdik uıqydan qalady»,- dedi B. Saǵyntaev.

Úkimet basshysy iri zaýyttardy emes, shaǵyn jáne orta bıznestiń tıimdiligin mysal retinde aıtyp berdi. «Aqtóbe oblysynda 170 myń kólik bar. Olardy jóndeý 400 tehnıkalyq qyzmet stansasynyń mindetine júktelgen.  2025 jylǵa deıin 1 mıllıon halyq bolatyn bolsa, 300 myń kólikke jetedi. Sol kezde 700-800 TQS kerek bolady. Bir TQS-ta 7-10 adam jumys isteıdi. Qazir 3 myńnan astam jumys istese, 2025 jylǵa qaraı olardyń sany eki ese artady»,- dedi Úkimet basshysy.