02:38, 05 Qyrkúıek 2025 | GMT +5
Saǵyndyq Toǵambaı Lıverpýldegi álem chempıonatynda jeńiske jetti
ASTANA. KAZINFORM — Bokstan Lıverpýl qalasynda erler men áıelder arasyndaǵy tuńǵysh álem chempıonatynyń birinshi jarys kúni jalǵasyp jatyr.
Bul týraly Qazaqstan boks federatsııasynyń baspasóz qyzmeti habarlady.
— Qazaqstan sapynan 90 kelidegi Saǵyndyq Toǵambaı bastapqy kezeńde jergilikti sportshy Isaak Okodan jeńisti julyp aldy. Alǵashqy raýndta tóreshilerdiń búıregi aǵylshyn bokshysyna burǵanymen, jerlesimiz qysymdy arttyryp, 3:2 esebimen jeńiske jetti, — delingen federatsııa taratqan aqparatta.
Budan buryn Elına Bazarova bokstan álem chempıonatyn aıaqtaǵanyn jazǵanbyz. Otandasymyz ózbekstandyq Nıgına Ýktamovamen kezdesýde jeńilip qaldy.