Saǵatty munara qajylyq maýsymynan soń ashylady
ASTANA. QazAqparat - Álemdegi eń bıik ǵımarat sanalatyn Mekkedegi saǵatty munara týrıster úshin qajylyq maýsymynan keıin ǵana ashylmaq. Bul týraly Saýd Arabııasy koroldiginiń qyzmetkerleri málim etti, dep habarlady www.muslim.kz saıty. Sondaı-aq, kók tiregen záýlim ǵımarattyń ushar basyna shyǵý úshin arnaıy bılet satyp alý kerek.
Alyp ǵımarattyń tarıhy jaıly taǵy aıta ketsek, Mekke shaharynyń kez kelgen jerinen kórinetin saǵat King Abdul Aziz Endowment Project dep atalatyn besinshi munaraly keshenniń basynda ornalasqan. Saǵattyń tórt bóliginde Alla Taǵala esimi jazylǵan. Ǵımarattyń bıiktigi 601 metrdi quraıdy. 76 qabattan turatyn bul otelde 858 lıýks nómir bar.
Qonaq úı terezelerinen Úlken jáne Haram meshitteriniń kelbeti óte ádemi kórinedi. Aıta keteıik, atalmysh qonaq úıden nómir jaldaıtyndardyń qatary, ásirese, Ramazan aıynda arta túsetin kórinedi.
