Saǵat 9.00-de Astanada dabyl júıeleri iske qosylady
ASTANA. QazAqparat – Búgin, tańǵy saǵat 09.00-de Astana qalasynda dabyl júıeleri qosylady, dep habarlaıdy QazAqparat.
Qalalyq tótenshe jaǵdaılar departamentinen málim etkendeı, el boıynsha 5-7 qyrkúıek aralyǵynda «Qorǵaý-2023» shtabtyq oqý-jattyǵýy ótip jatyr.
Onyń sheńberinde 6 qyrkúıek kúni Astana qalasynyń halyqty jappaı qulaqtandyrý júıeleri tekseriledi. Saǵat 09.00-de tele-radıo arnalar qamtyla otyryp, elektrodabyldar qosylady.
«Eske salaıyq, tetenshe jaǵdaı oryn alǵan kezde halyqtyń nazaryn aýdarý úshin elektrodabyldar nemese basqa da dabyl quraldary qosylady, ol «Barshańyzdyń nazaryna!» biryńǵaı qulaqtandyrý dabylyn bildiredi.
Turǵyndar bul dabyldy estigen kezde oryn alǵan jaǵdaıda áreket etý týraly nusqaýlar men aqparat alý úshin mindetti túrde qoljetimdi aqparat qabyldaý quraldaryn (teledıdar, radıo jáne t.b.) qosýy kerek.
Qymbatty qala turgyndary men qonaqtary, Tótenshe jaǵdaılar departamenti qala turǵyndaryn sabyrlyq, saqtaýǵa, úreıge berilmeýge shaqyrady», - delingen TJD málimetinde.
