Saǵat 20-00-degi málimetter boıynsha, elimizdiń prokýratýra organdaryna 43 ótinish kelip tústi

Olardyń bireýi ǵana tikeleı  Bas prokýratýraǵa túsken. Qalǵan 42 aryz-shaǵym aýmaqtyq prokýratýralarǵa joldandy. Bul týraly Ortalyq saılaý komıssııasynda ótken brıfıngte Bas prokýratýranyń resmı ókili Nurdáýlet Súıindikov málim etti. 

Onyń derekterinshe, aryz-shaǵymdardyń 3-ýi Qyzylorda oblysynyń prokýratýrasyna, 1 shaǵym Aqmola oblysynyń prokýratýrasyna, 2-ýi Almaty oblysynyń prokýratýrasyna, 5-ýi Shyǵys Qazaqstan oblystyq prokýratýrasyna joldandy. Sonymen qatar 6 shaǵym Qaraǵandy oblystyq prokýratýrasyna, 2 aryz Pavlodar oblystyq prokýratýrasyna, 2-ýi Soltústik Qazaqstan oblystyq prokýratýrasyna, 1-ýi Aqtóbe oblystyq prokýratýrasyna, 3-ýi Jambyl oblystyq prokýratýrasyna,  6-ýy Ońtústik Qazaqstan oblystyq prokýratýrasyn tústi. Al Astana qalasyna 2, Almaty qalasyna 9 shaǵym tústi.

«Bul aryz-shaǵymdarda saılaý zańnamasynyń buzylýy týraly jekelegen derekter kórsetilgen. Aryz-shaǵymdar «Saılaý týraly» konstıtýtsııalyq zańyna sáıkes, qaralyp sheshilýde. Olardyń 16-y quzyrly organdarǵa joldanyp, 1-ýi qarsy ótinish boıynsha qaraýsyz qaldyryldy, 6-yn qanaǵattandyrýdan bas tartyldy, 6-ýy boıynsha zań talaptary túsindirildi. Al 15 shaǵym áli qaralý ústinde», - dedi resmı ókil.