Saǵat 16.00-degi jaǵdaı boıynsha QR Prezıdentiniń kezekten tys saılaýynda shet elderdegi 5 myń 527 Qazaqstan azamaty daýys berdi - SІM
ASTANA. 3 sáýir. QazAqparat /Aıdar Ospanalıev/ - Saǵat 16-00-degi málimetter boıynsha QR Prezıdentiniń kezekten tys saılaýynda shet memleketterdegi 5 myń 527 Qazaqstan azamaty daýys berdi.
Bul shet memleketterdegi daýys berýge quqy bar Qazaqstan azamatarynyń 44,2 paıyzyn quraıdy. Bul týraly búgin jýrnalıstermen bolǵan brıfıngte Syrtqy ister mınıstrliginiń Ákimshilik jáne baqylaý departamentiniń dırektory Qaırat Sarjanov málim etti.
Onyń derekterine qaraǵanda, Astana ýaqytymen saǵat 17-00-de Japonııa men Koreıa Respýblıkasyndaǵy Qazaqstan elshiliginde ornalasqan saılaý ýchaskelerinde daýys berý aıaqtalady. Al taǵy 1 saǵattan keıin Qytaı Halyq Respýblıkasy men Malaızııadaǵy elshilikterde daýys berý toqtaıdy.
Esterińizge sala keteıik, osyǵan deıin Syrtqy ister mınıstrligi QR Prezıdentiniń kezekten tys saılaýynda shet memleketterden 14 myń azamat daýys bergeli otyrǵandyǵyn málimdegen bolatyn.
