Saǵat 12.00-ge deıin Májilis pen máslıhat depýtattarynyń saılaýynda 3 mıllıon 185 myń 546 turǵyn daýys berdi - OSK
ASTANA. 15 qańtar. QazAqparat /Aıdar Ospanalıev/ - Astana men Almaty qalalarynyń jáne oblystyq saılaý komıssııalarynyń málimetteri boıynsha, búgin, Májilis pen máslıhat depýtattarynyń saılaýynda saǵat 12.00-ge deıin barlyǵy 3 mıllıon 185 myń 546 adam daýys berdi.
Bul týraly búgin saılaýdyń barysyna qatysty ótken brıfıngte Ortalyq saılaý komıssııasynyń múshesi Úsen Jetenov málim etti.
Onyń derekterine qaraǵanda, saılaýshylardyń Astanada 10,9 paıyzy, Almatyda - 6,4, Aqmola oblysynda - 44,7, Aqtóbe oblysynda - 31,1, Almaty oblysynda - 57,1, Atyraý oblysynda - 45,1, Shyǵys Qazaqstan oblysynda - 43,5 jáne Jambyl oblysynda 38 paıyzy daýys berdi. Sondaı-aq, Batys Qazaqstan oblysy elektoratynyń 22,1 paıyzy, Qaraǵandy oblysynyń 31,4, Qostanaı oblysynyń - 56,2, Qyzylorda oblysynyń - 55,6, Mańǵystaý oblysynyń - 23,3, Pavlodar oblysynyń - 33,3, Soltústik Qazaqstan oblysynyń - 47,3 jáne Ońtústik Qazaqstan oblysynyń 19,4 paıyzy óz tańdaýlaryn jasaǵan.
Daýys berý 9 myń 764 saılaý ýchaskesinde júzege asyrylýda.
