Saǵat 10.00-degi málimetter boıynsha, saılaý bıýlletenderin 1 mıllıon 471 myń 473 adam aldy - OSK
ASTANA. 15 qańtar. QazAqparat /Aıdar Ospanalıev/ - Qańtardyń 15-i kúngi saǵat 10.00-degi málimetterge qaraǵanda, oblystyq jáne Astana men Almaty qalalaryndaǵy saılaý komıssııalarynyń málimetteri boıynsha saılaý bıýlletenderin 1 mıllıon 471 myń 473 adam alǵan.
Bul eldegi barlyq saılaýshylardyń 15,8 paıyzy. Atalmysh derekterdi búgin saılaý barysyna baılanysty ótken brıfıngte Ortalyq saılaý komıssııasy tóraǵasynyń orynbasary Vladımır Foos jarııa etti.
Astanda saılaýshylardyń 4,2 paıyzy, Almatyda 2,1 paıyzy, Aqmola oblysynda 16,3 paıyzy, Aqtóbe oblysynda 13,9 paıyzy, Almaty oblysynda 32,3 paıyzy, Atyraý oblysynda 37 paıyzy, Shyǵys Qazaqstan oblysynda 24,7 paıyzy, Jambyl oblysynda 14,6 paıyzy daýys bergen. Sondaı-aq Batys Qazaqstan oblysynyń saılaýshylarynyń 6,9 paıyzy, Qaraǵandy oblysynda 12,4 paıyzy, Qostanaı oblysynda 27,8 paıyzy, Qyzylorda oblysynda 23,8 paıyzy, Mańǵystaý oblysynda 2,5 paıyzy, Pavlodar oblysynda 13,9 paıyzy, Soltústik Qazaqstan oblysynda 25,3 paıyzy, Ońtústik Qazaqstan oblysynda 4,9 paıyzy óz tańdaýlaryn jasaǵan. «Daýys berý elimizde jumys istep jatqan 9 myń 764 saılaý ýchaskesinde júzege asyrylýda»,-dedi V.Foos.
