Saǵadıevke qarsy ashyq hat jazǵan akademıkter qandaı qujatqa qol qoıǵandaryn bilmeıdi - BǴM
ASTANA. QazAqparat - Búgin Ortalyq kommýnıkatsııalar qyzmetinde brıfıng ótkizgen Bilim jəne ǵylym mınıstrliginiń ókilderi «Qazaq tili» men «Qazaq ədebıeti» pənderi jalpy jikteýishten alynbaǵanyn resmı məlimdedi. Bilim vıtse-mınıstri Elmıra Sýhanberdıevanyń aıtýynsha, ótken senbiden jeksenbige qaraǵan túni mınıstrliktiń saıtyna shabýyl jasalǵanyn, jikteýish qujattyń ózgergeni týraly aqparattyń jalǵan ekenin resmı məlimdedi.
Joǵary jəne joǵary oqýdan keıingi jikteýishten «Qazaq tili» jəne «Qazaq ədebıeti» pənderi joıyldy degen aqparat shyqqan soń, bir top akademıkter Premer-Mınıstr Baqytjan Saǵyntaevtyń atyna ashyq hat joldaǵan edi. Bilim mınıstrliginiń Joǵary jəne joǵary oqýdan keıingi bilim departamentiniń dırektory Darhan Ahmed-Zakı ol akademıkter qandaı mətindi ashyq hatqa qol qoıǵanyn túsinbeýi de múmkin deıdi.
«Qazir Qazaqstanda jalǵyz zańdy túrde bekitilgen qujat bar. Ol - joǵarǵy oqý jəne joǵarǵy oqýdan keıingi jikteýish. Osy qujat 2009 jyly bekitilgen, sodan beri ózgergen joq. Osy mamandyqtarǵa baılanysty keıin memlekettik granttar bólinedi, al, qazir «Qazaq tili» jəne «Qazaq ədebıet» pənderi boıynsha jeti myńnan asa maman oqyp jatyr. Onyń ishinde eki myńnan astamy grantta. Jalpy, bıyl da, keleshekte de ol baǵytta ózgerister bolady dep kózdep otyrǵan joqpyz» - dedi departament dırektory.
«Ərıne, meniń oıymsha qol qoıǵan kezde ol akademıkterge de belgili aqparatty durys jetkizbegen shyǵar. Sondyqtan, ókinishke qaraı, ol kisiler bilmeı qol qoıǵan. Al, ashyq hattyń ishinde aıtylǵandaı «Qazaqstandaǵy mamandyqtardyń arasynan qazaq tili sabaǵy ketti» degen aqparat shyndyqqa janaspaıdy», - dedi ol.
