Saǵadıev Úkimet basshysynan mektepterdi Wi-Fi-men qamtý máselesin sheship berýdi surady
«Bilim mazmunyn jańartý barysynda muǵalimderdi tsıfrlyq bilim berý resýrstarymen qamtamasyz etýdemiz. Tsıfrlyq resýrstarǵa barlyq mektepter búgingi kúni qosyldy. Jańartylǵan bilim berý mazmunyn qoldaý úshin Nazarbaev zııatkerlik mektepteri əzirlegen júıelik ədistemelik keshen muǵalimder men mektepterge qoljetimdi boldy», - dedi Erlan Saǵadıev.
Mınıstrdiń aıtýynsha, bul baǵytta másele joq emes.
«Osyǵan baılanysty Baqytjan Əbdiruly aıta ketkimiz keledi. Mektepterimizdiń 97 paıyzy (aýyl mektepterin qosqanda) ınternetke qosylǵanymen, baılanys sapasyna qatysty məsele barlyq óńirde bar. Mektepterdiń 62 paıyzy ǵana jyldamdyǵy 4 Mbaıt/sekýndtyq ınternetpen qamtylǵan. 2,5 myń mektepke ǵana Wi-Fi qosylǵan. Personaldy kompıýterlermen jaraqtandyrylý deńgeıi 11 oqýshyǵa 1 kompıýterden keledi. Atalǵan jaǵdaı mınıstrliktiń jumysyna aıtarlyqtaı kedergi keltiredi», - dedi Erlan Saǵadıev.
Mınıstri Úkimet basshysyna osy máseleni sheship berýdi surady.
«Osyǵan baılanysty Baqytjan Əbdiruly jergilikti atqarýshy organdarǵa mektepterdi keń jolaqty ınternetpen, Wi-Fi-men qamtamasyz etip, kompıýtermen jabdyqtaý máselesin sheshýdi tapsyrýyńyzdy suraımyn», - dep túıdi mınıstr.