Saǵadıev UBT-daǵy qazaq tiline qatysty ózgeristerdi túsindirip berdi
ASTANA. QazAqparat - QR Bilim jáne ǵylym mınıstri Erlan Saǵadıev Úkimette tilshilerge bergen suxbatynda UBT-daǵy qazaq tiline qatysty ózgeristerdi túsindirip berdi, dep xabarlaıdy QazAqparat.
«Bıylǵy jyly 100% Qazaqstannyń mektep bitirýshileri qazaq tilin biryńǵaı test retinde tapsyratyn bolady. Endi 12 jyl boıy UBT-ǵa kelgen balalar qazaq tilin tapsyrsa da, onyń nátıjesi esepke alynbaǵan. Profanatsııa degen osy. Mektepte tapsyrǵan balalar endi ózi bıletterin shyǵaryp, qazaq tilin alyp otyrǵan ol da, bizdiń oıymyzsha, durys emes. Ózderińiz bilesizder, bıyl UBT ekige bólindi. Qazaqstannyń 100 paıyz oqýshysy mekteptiń emtıxandaryn tapsyrady. Sol qazaq tili mektepterge tapsyrylatyn bolady. Biraq bıletter arqyly emes, biryńǵaı test retinde 100% balalarymyz qazaq tilin tapsyratyn bolady», - dedi mınıstr.
Sonymen qatar Erlan Saǵadıev joǵary oqý ornyna túsetin túlekter qazaq tilinen synaqty qashan tapsyratynyn da atap ótti.
«Joǵary oqý ornyna barǵan kezde qazaq tilinde mektep bitirgen balalar UBT-ny qazaq tilinde alyp otyr ǵoı. Bıyl olardyń úlesi - 80-85%. 15 paıyzy biryńǵaı test retinde qazaq tilin tapsyratyn bolady», - dep túıdi sózin vedomstvo basshysy.
