Saǵadıev pedofılden qyzdy qutqaryp qalǵan oqýshyǵa alǵys aıtty
ASTANA. QazAqparat - QR Bilim jáne ǵylym mınıstri Erlan Saǵadıev 8 jasar qyzdy qutqaryp qalaǵan Almaty oblysynyń 11-synyp oqýshysy Tımýrbek Jamaladdınovke alǵys aıtty, dep habarlaıdy «QazAqparat» HAA tilshisi.
«Qurmetti Tımýrbek Tahıruly! Adam ómirin qutqaryp, batyl áreketke barǵanyń úshin alǵys aıtamyn. Seniń jasaǵan batyldyǵyń óskeleń urpaqqa úlgi bolatynyna senimdimin. Qadam basqaly turǵan úlken ómirde sáttilik serigiń bolsyn. Keleshekte elimizdiń jarqyn bolashaǵyna óz úlesińdi qosatynyńa senimdimin», - dep jazdy mınıstr alǵys hatynda.
Tımýrbekke alǵys hatty búgin Almatyda QR Bilim jáne ǵylym mınıstrligi Ǵylym komıtetiniń tóraǵasy Bolatbek Abdrasılov tabystaıdy.
Eske sala keteıik, 14 sáýir kúni Almaty oblysy Eńbekshiqazaq aýdanynda 32 jastaǵy ishimdik ishken er kisi 8 jasar qyzǵa zorlyq jasamaqshy bolǵan. Abyroı bolǵanda, D.Qonaev atyndaǵy 11-synyp oqýshysy Tımýrbek Jamaladdınov búldirshin qyzdy zorlyqtan qutqaryp qaldy. Qazir aram pıǵylyn júzege asyrmaq bolǵan 32 jastaǵy kúdikti qolǵa túsip, qamaýǵa alyndy. Atalǵan fakti boıynsha QR QK 121-baby, 4-tarmaǵyna sáıkes sotqa deıingi tergeý jumystary júrip jatyr.
