Saǵadıev: Men Bilim mınıstrligine komandasyz keldim
ASTANA. QazAqparat - QR Bilim jáne ǵylym mınıstri Erlan Saǵadıev mınıstrlikke komandasyz kelgenin málim etti, dep xabarlaıdy QazAqparat.
«Mınıstrlikke kelgenimde kómekshimnen basqalardy tanymaıtyn edim. Úsh vıtse-mınıstr, barlyq departament dırektorlary, barlyq komıtet basshylary, barsha qyzmetkerler - barlyǵymen Bilim jáne ǵylym mınıstrligine kelgen kezde tanystym. Barlyq 250 adammen. «Shetten bir komanda alyp keldi» degen aıyptaýlardy birinshi ret estip otyrmyn», - dedi mınıstr Úkimette ótken baspasóz máslıxatynda.
Bunyń aldynda QR BǴM Ǵylym komıteti tóraǵasynyń burynǵy orynbasary Lázzat Qusaıynovanyń málimdemesin óziniń Feısbýktaǵy paraqshasynda Muxtar Taıjan jarııalaǵan bolatyn. Ol málimdemede «mınıstr kelgeli barlyq beıindi mamandardy jumystan bosatyp, onyń ornyna bilim berýge de, ǵylymǵa da esh qatysy joq adamdardy qyzmetke aldy» delingen bolatyn.
