Saǵadıev balabaqshaǵa kezekke turý tártibin túsindirdi
ASTANA. QazAqparat- Úsh jylda Qazaqsandaǵy jetkinshekter balabaqshamen tolyqtaı qamtylady. Bul týraly esepti kezdesýde QR Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
«Bizdiń maqsat - qalǵan úsh jyldyń ishinde 3-6 jastaǵy balalardy júz paıyzǵa mektepke deıingi bilimmen qamtý, ıaǵnı órender mektepke kelgende daıyn bolýy kerek. Balabaqshalardy ashý úshin memlekettik-jekeshe áriptestikti damytýǵa mán berilip otyr. Bul baǵytta jaqsy nátıjeler bar. Byltyr 800-den astam jańa balabaqsha, shaǵyn ortalyqtar ashyldy, sonyń 80 paıyzy jekemenshik uıymdar. Osynyń arqasynda 3-6 jastaǵy balalardy balabaqshamen qamtý tórt paıyzǵa ósip, 85 paıyzǵa jetti. Qalǵan 15 paıyzyn úsh jyldyń ishinde qamtý kerek»,-dedi mınıstr.
Onyń sózine qaraǵanda, bul baǵytta birinshi kezekte jekemenshik balabaqshalardyń suraýy boıynsha jańa sanıtarlyq normalardy qabyldaý kózdelip otyr. Bul normalar ázirlenip, úsh aı boıy talqylandy.
«Myńdaǵan maman óz pikirlerin bildirdi. Endi ary qaraı balabaqshalardyń oryndary arta túsedi degen senimdemiz. Ekinshiden, balabaqsha kezegi máselesin retke keltirý qajet. Búginde bizde barlyǵy elektrondy túrde kezekke turady, alaıda balabaqshalarǵa oryndardy úlestirý qolma-qol rejimde iske asyrylýda. Bul tártip ár oblysta ózinshe júrgiziledi. Sondyqtan biz bul kezekterdiń barlyǵyn «Azamattarǵa arnalǵan úkimette» biriktirip, avtomattandyrý sheshimin jasadyq. ıAǵnı, ata-analar tirkeýge turady, sodan keıin memlekettik nemese jekemenshik balabaqshaǵa joldama alady. Eger de unasa, sonda qalady jáne kezekten shyǵady, osy oraıda olardyń sońynan «Balapan» qarjysy avtomatty túrde aýdarylady»,-dep túsindirdi Saǵadıev.
