Saǵadat Rahmanqulov 42 ret jeńiske jetken meksıkalyqty nokaýtqa jiberdi

NUR-SULTAN. QazAqparat – Meksıkanyń Tıhýana qalasynda qazaqstandyq kásipqoı boksshy Saǵadat Rahmanqulovtyń (5-1, 3 KO) qatysýymen jekpe-jek keshi ótti. Bul týraly QazAqparat Sports.kz saıtyna silteme jasap habarlaıdy.

Top Rank-taǵy boksshymyz kásipqoı rıngte 42 ret jeńiske jetken meksıkalyqty nokaýtqa túsirdi. Onyń qarsylasy – 43 jastaǵy tájirıbeli sportshy Kosme Rıvera (42-28-3, 29 KO). Jartylaı orta salmaqtaǵy segiz raýndtyq aıqas besinshi raýndta Rahmanqulovtyń jeńisimen aıaqtaldy. Ol besinshi raýndta Rıverege birneshe aýyr soqqy jasady. Budan keıin referı jekpe-jekti toqtatýǵa májbúr boldy. Osylaısha, S.Rahmanqulov profı-rıngtegi altynshy jeńisine qol jetkizdi. Onyń tórteýin nokatýpen aıaqtaǵan. Al Rıvera úshin bul - mansabyndaǵy 29-ynshy jeńilis.