Safııa, Nurılan: Shymkentte nárestege eń jıi qoıylatyn esimder qandaı
Shymkent qalasy demografııalyq kórsetkishter jaǵynan respýblıkada aldyńǵy qatarda tur. Qalada týǵan bala sany jyldan jylǵa kóbeıip keledi. Bıyl segiz aı ishinde megapolıste 21 168 sábı dúnıege kelgen.
AHAT bóliminiń basshysy Aqbota Qarnaqbaevanyń aıtýynsha, segiz aıda shaharda 54 egiz náreste dúnıe esigin ashqan.
«Osy jyly uldar arasynda eń kóp kezdesetin esimder – Nurıslam jáne Nurılan, al, qyzdarǵa kóbine Safııa jáne Raıana esimderi qoıylyp jatyr», - deıdi Aqbota Jumabekqyzy.
Sondaı-aq, mamandardyń málimetine súıensek, bul jyly 8 aıda zańdy túrde 3 605 neke qıylǵan. Al, 643 jup ajyrasqan. Bul ótken jyldyń esepti kezeńmen salystyrǵanda ajyrasýdyń úsh ese azaıǵanyn kórsetedi.
Sonymen qatar, AHAT bólimi 8 aıda 26 bala asyrap alý qujatyn rásimdeý, 140 tegin ózgertý, 4 965 qaıtys bolýdy memlekettik tirkeýge alý, 112 qalpyna keltirý, 3 452 qaıtalap kýálik berý jónindegi jumystardy atqarǵan.
