Sadyr Japarov resmı túrde Qyrǵyzstan prezıdenti qyzmetine kiristi
BІShKEK. Kabar-QazAqparat – Búgin ótken ulyqtaý rásiminde Sadyr Japarov ant berdi. Odan keıin Qyrǵyzstan Ortalyq saılaý komıtetiniń tóraıymy Nurjan Shaıldabekova Sadyr Japarovqa prezıdent kýáligin, tósbelgi jáne shtandartty tabystady, dep habarlaıdy QazAqparat Kabar agenttigine silteme jasap.
Osylaısha, Sadyr Japarov resmı túrde prezıdent qyzmetine kiristi.
Resmı rásimge bir myńnan astam qonaq qatysty. Atap ótkende, eldiń tanymal qaıratkerleri, Jogorký Kenesh depýtattary, eks-prezıdentter, parlamenttiń burynǵy spıkerleri, burynǵy premer-mınıstrler, Qyrǵyzstan konfessııalarynyń basshylary, dıplomatııalyq korpýs pen halyqaralyq uıymdardyń ókilderi, aqsaqaldar jáne qarapaıym azamattar qatysty. Sondaı-aq rásimge Japarovtyń ótken saılaýdaǵy qarsylastary shaqyryldy.
Eske sala ketsek, 10 qańtar kúni Qyrǵyzstanda merziminen buryn prezıdent saılaýy bolyp ótti. Saılaý qorytyndylary boıynsha 79,2 paıyz daýys jınaǵan Sadyr Japarov jeńiske jetti.
