Sadyr Japarov: Qyrǵyzstanda Premer-Mınıstr qyzmeti bolmaıdy

NUR-SULTAN. QazAqparat – Qyrǵyzstanda eldiń Premer-Mınıstri qyzmeti taratylady. Bul týraly óziniń Telegram arnasynda Qyrǵyzstan prezıdenti Sadyr Japarov jazdy, dep habarlaıdy QazAqparat Kabar agenttigine silteme jasap.

Ol sondaı-aq bir-biriniń qyzmetin qaıtalaıtyn mınıstrlikterdiń taratylatynyn habarlady.

Memleket basshysy bul oqıǵaǵa deıin kem degende 6 aı bar ekenin, al buǵan deıin úkimettiń jumys isteıtinin jazdy.

«Osy ýaqytta jańa Konstıtýtsııa men jańa zańdar qabyldanady. Jańa Konstıtýtsııany qabyldaý aıasynda jańa reformalar, ózgerister bolady, tek zań negizinde tekserilgen jańa kásibı kadrlar ǵana keledi», - dedi ol.

Óz sózinde Sadyr Japarov atalǵan mindetterdi iske asyrýǵa ýaqyt qajet ekenin qosyp ótti.