Sadyr Japarov Qyrǵyzstan prezıdentiniń mindetin atqarýshy ókilettigin toqtatady
BІShKEK. KABAR – QazAqparat – Sadyr Japarov prezıdent saılaýyna qatysý úshin 14 qarashaǵa deıin Qyrǵyzstan prezıdentiniń mindetin atqarýshy ókilettigin toqtatady, dep habarlaıdy QazAqparat KABAR agenttigine silteme jasap.
«Merziminen buryn ótetin prezıdent saılaýyna qatysý úshin prezıdent mindetin atqarýshy ókilettiligimdi 14 qarashaǵa deıin toqtatamyn», - dedi Sadyr Japarov Region TV telearnasyna bergen suhbatynda.
Onyń aıtýynsha, úmitkerlerdi tirkeý aıaqtalǵanǵa deıin óz ókilettigin toqtatsa, aldaǵy saılaýǵa qatysýǵa quqyly.
Eske sala ketsek, Qyrǵyzstanda 2021 jyldyń 10 qańtarynda merziminen buryn prezıdenttik saılaý ótedi.
4 qarashadaǵy málimet boıynsha, Ortalyq saılaý komıssııasyna prezıdenttikke úmitkerlerden 7 ótinish kelip tústi. Olar: Adahan Madýmarov, Arstanbek Abdyldaev, Kýban Choroev, Nazarbek Nyshanov, Bektýr Asanov, Bakyt Baketaev jáne Kanatbek Isaev.
