Sadyr Japarov Qyrǵyz prezıdenti saılaýyna túsýiniń erejesin aıtty
BІShKEK. KABAR – QazAqparat – Qyrǵyz Respýblıkasy prezıdentiniń mindetin atqarýshy Sadyr Japarov «Rossııa 24»-ke bergen suhbatynda prezıdenttik saılaýǵa qandaı jaǵdaıda qatysa alatynyn aıtty. QazAqparat bul týraly Kabar agenttigine silteme jasap habarlaıdy.
Eldiń qazirgi zańyna sáıkes, memleket basshysynyń mindetin atqarýshy tulǵa saılaýǵa qatysa almaıdy.
«Qazirgi ýaqytta parlamentte parlament jáne prezıdent saılaýyna qatysty zańnamaǵa ózgerister daıyndalyp jatyr. Eger osy ózgeris nátıjesinde maǵan saılaýǵa qatysýǵa ruqsat etilse, men qatysamyn. Biraq ázirge ol týraly aıtýǵa erte. Bul suraqqa qatysty sheshim qabyldanǵan joq», - dedi Japarov.
