Sadyr Japarov eks-prezıdent Sooronbaı Jeenbekov týraly Jarlyqqa qol qoıdy
BІShKEK. KABAR – QazAqparat – Qyrǵyz Respýblıkasy prezıdentiniń mindetin atqarýshy Sadyr Japarov eks-prezıdent Sooronbaı Jeenbekov týraly Jarlyqqa qol qoıdy, dep habarlaıdy QazAqparat Kabar agenttigine silteme jasap.
Qyrǵyz úkimeti apparatynyń aqparatpen qamtamasyz etý bóliminiń habarlaýynsha, «Qyrǵyz Prezıdenti qyzmetiniń kepildikteri jáne Qyrǵyz eks-prezıdentiniń mártebesi týraly» zańǵa sáıkes Qyrǵyzstannyń eks-prezıdentine qatysty zańnamada kózdelgen barlyq normalar saqtalady.
Bul Jarlyq qol qoıylǵan sátten bastap kúshine enedi.
Eske salsaq, Qyrǵystan Premer-mınıstri Sadyr Japarov ózin prezıdent mindetin atqarýshy retinde jarııalady.15 qazan kúni Qyrǵyzstan prezıdenti Sooronbaı Jeenbekov elde qalyptasqan qoǵamdyq-saıası jaǵdaıǵa baılanysty el halqyna úndeý jasady.
Ol úndeýde otstavkaǵa ketý jóninde sheshim qabyldaǵanyn aıtty.
