Sádýaqas Baıǵabylov «vaktsınadan kóz jumǵan» perzenthana qyzmetkerine qatysty pikir bildirdi
ALMATY. QazAqparat - Almaty qalasy Sanıtarlyq-epıdemıologııalyq baqylaý departamenti basshysynyń orynbasary Sádýaqas Baıǵabylov onlaın brıfıng barysynda WhatsApp messendjerinde tarǵan №4 perzenthana qyzmetkeri vaktsınatsııadan keıin qaıtys boldy degen vıdeoǵa qatysty túsinikteme berdi, dep habarlaıdy QazAqparat tilshisi.
«Bul derek boıynsha komıssııa quryldy, keshendi tekserý júrgizilýde. Oǵan jan-jaqty baǵa beretin sarapshylar tartyldy. Komıssııa jumysynyń nátıjeleri boıynsha bul iske obektıvti baǵa beriledi», - dep jaýap berdi spıker brıfıng barysynda.
WhatsApp messendjerinde tarǵan vıdeoda №4 perzenthana qyzmetkeri vaktsınatsııadan keıin qaıtys bolǵany týraly aıtylady.
Buǵan deıin, ol Almatyda jyl basynan beri karantın tártibin buzǵan 3018 adamǵa 202 mln teńge kóleminde aıyppul salynǵanyn aıtqan bolatyn.