Sadrıddın Ahmedovtyń «Tsýnamımen» aıqasyn qaıdan kórýge bolady

NUR-SULTAN. QazAqparat – Qazaqstandyq kásipqoı boksshy Sadrıddın Ahmedovtiń (10-0, 9KO) 7 jeltoqsanda ótetin jekpe-jegin «Habar» arnasynan kórýge bolady, dep habarlaıdy QazAqparat tilshisi.

Qazaqstanda atalǵan aıqasty 8 jeltoqsanda «Habar» telearnasy Nur-Sultan ýaqyty boıynsha saǵat tańerteńgi 07.00-de tikeleı efırde kórsetedi.

WBC nusqasy boıynsha jastar arasynda birinshi orta salmaqtaǵy álem chempıony sharshy alańǵa 7 jeltoqsanda qaıta oralady. Ol Kanadanyń Monreal qalasynda argentınalyq Hose Antonıo Vılıalobospen (12-5-2, 7KO) kezdesedi. Qos qurlyqtyń boksshylary Davıd Leme (40-4, 34KO) men Maks Býrsak (35-5-2, 16KO) aıqasynyń anderkardynda ózara myqtyny anyqtamaq.

Eske sala ketsek, Sadrıddın Ahmedov kásipqoı bokstaǵy onynshy jekpe-jegin qaza aıynyń sońynda ótkizip, 31 jastaǵy meksıkalyq Djonnı Navarreteni (33-15-2, 15KO) tehnıkalyq nokaýtpen jeńgen bolatyn.