Sadrıddın Ahmedovtiń kezekti jekpe-jeginiń datasy anyqtaldy

NUR-SULTAN. QazAqparat – Birinshi orta salmaqtaǵy qazaqstandyq boksshy Sadrıddın Ahmedov (12-0, 10KO) kelesi jekpe-jegin 16 shilde kúni Kanadada ótkizedi, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasynda jazylǵandaı, boks keshiniń ótetin orny áli aıqyndalǵan joq. Eki nusqa qarastyrylýda: Kvebek nemese Monreal.

Qazaqstandyq boksshy Kanadada daıyndyq jattyǵýyna kirisip ketti. Sondaı-aq onyń qarsylasy reıtıngtiń alǵashqy otyzdyǵyna enetin boksshy bolatyny týraly aqparat bar.

Sadrıddın Ahmedov profırıngke 2018 jyly kelip, búginge deıin 12 aıqas ótkizip úlgerdi. Onyń 10-yn – Kanadada, 1-eýin – Qazaqstanda jáne taǵy 1-eýin Meksıkada ótkizdi. Onyń sońǵy jekpe-jegi 29 qańtar kúni Meksıkada boldy. Ol tóreshilerdiń biraýyzdy sheshimimen nıderlandııalyq Stıven Danony (17-4-3, 6KO) jeńip, birinshi orta salmaqtaǵy WBA Continental, NABF jáne WBC Francophone beldikterin ıelendi. Osy jeńisinen soń sportshymyz Dúnıejúzilik boks qaýymdastyǵynyń (WBA)
TOP-15 reıtıngine endi.