Sadrıddın Ahmedovtyń kelesi jekpe-jegi ótetin kún belgili boldy

ASTANA. KAZINFORM – Qazaqstandyq boksshy Sadrıddın Ahmedov (15-0-1, 13 KO) sharshy alańǵa tamyz aıynda qaıta shyǵady, dep habarlaıdy Sports.kz.

Boxrec.com saıtynyń aqparatynsha, Ahmedov kelesi jekpe-jegin 15 tamyzda Santa-Inezde (AQSh, Kalıfornııa) ótetin boks keshinde ótkizedi. Qazaqstandyq boksshynyń qarsylasy kim bolatyny ázirge belgisiz, biraq jekpe-jektiń formaty anyqtaldy – orta salmaqtaǵy birinshi jekpe-jek on raýndqa josparlanǵan.

Sadrıddın Ahmedov sońǵy ret sáýir aıynda meksıkalyq boksshy Elıas Espadaspen (23-7-1, 16 KO) judyryqtasqan bolatyn. Bul jekpe-jekte Ahmedov aıqyn favorıt sanaldy, biraq jekpe-jek aqyry teń aıaqtaldy.

Osyǵan deıin bokstan Qazaqstan quramasy sheshýshi oqý-jattyǵý jıynyn ótkizip jatqany týraly habarladyq.