Sadrıddın Ahmedov: Jeńisimdi halqymnyń kóz jasyna arnaımyn
«Assalamýaǵaleıkým Qazaq eli! Búgin Allanyń qalaýymen, óz halqymnyń qoldaýymen əlemdik bokstaǵy WBC nusqasy boıynsha əlem chempıony ataǵyna qol jetkizdik. Sizderdiń maǵan degen duǵalaryńyzǵa, qoldaýlaryńyzǵa alǵysym sheksiz. Eń birinshi elimiz tynysh, halqymyz aman bolsyn. 2018 jyl qazaq eline óte aýyr jyldardyń biri boldy. Qoǵam qaıratkeri, jazýshy Sherhan Murtaza atamyzdyń, qazaqtyń mańdaıynda bitken jarqyraǵan juldyzy, patrıoty Denıs baýyrymyzdyń ómirden ótýi elimiz úshin aýyr soqqy bolsa, Gennadıı aǵamyzdyń biz kútpegen jerden jeńilýi qanshama qazaq jankúıerlerin jylatty», - dep jazdy S.Ahmedov óziniń Feısbýk paraqshasyna.
Sportshy ómirden ozǵan aıtýly tulǵalardyń ornyn esh amal toltyra almaıtynyn aıta kele, bokstaǵy kezekti jeńisin solardyń qurmetine arnady.
«Bul jeńisimizdi sol kisilerdiń ómirden ozýy, Gennadıı aǵamyzdyń jeńilýi jəne elimizde ózge de oryn alǵan qaıǵyly oqıǵadan sońǵy qazaq halqynyń kóz jasyna arnaımyn. Elimizdiń bolashaǵyna alańdaıtyn qazaq jastarymyz, aǵalarymyz barda, ol kisilerdiń elimizge arnaǵan eńbegi zaıa ketpedi dep aıta alamyn», - dedi ol.
Sonymen qatar, boksshy ústimizdegi jyldyń jastar jyly bolyp bekitilgenin aıta kele, óz zamandastaryna úlken jaýapkershilik júktelgenin eskerip, jastardy bilim alý men elimizdiń damýyna úles qosýǵa shaqyrdy.
Aıta ketsek, otandasymyz búgin Kanadanyń Monreal qalasynda ótken bosktaǵy kezekshi jekpe-jeginde Meksıka boksshysy Abraham Hýaresti (13-2, 5 KO) 4 raýndta ýaqytynan buryn jeńip, WBC nusqasy boıynsha jastar arasynda birinshi orta salmaqta álem chempıony atandy.