Sadrıddın Ahmedov WBC reıtınginde TOP-15-ke jaqyndady

NUR-SULTAN. QazAqparat – Dúnıejúzilik boks keńesi (WBC) barlyq salmaq sanaty boıynsha reıtıngini jańartty. Birinshi orta salmaqta úlken jetistikke qazaqstandyq boksshy Sadrıddın Ahmedov (12-0, 10 KO) jetip otyr. QazAqparat bul týraly Sports.kz saıtyna silteme jasap habarlaıdy.

«Sadrıddın WBC reıtınginde 10 pozıtsııaǵa joǵarylady. Stıven Danomen bolǵan aıqastaǵy jeńisinen keıin ol 17-orynǵa kóterilip, TOP-15-ke jáne úlken jekpe-jekterge jaqyndaı tústi. Aldaryńa úlken maqsattar qoıyp, oǵan jetý jolynda toqtamańyzdar!», - dep jazylǵan S.Ahmedovtiń promoýterlik kompanııasy Eye Of The Tiger Management-tiń Instagram-akkaýntynda.

Eske salaıyq, qazaqstandyq boksshy Stıven Danony (17-4-3, 6 KO) jeńgennen keıin úsh óńirlik chempıondyq beldikke qol jetkizdi — WBA Continental, NABF jáne WBC Francophone.

Sondaı-aq S.Ahmedov bolashaqta tolyqqandy chempıondyq ataq úshin jekpe-jekke shyǵýdy josparlap otyrǵanyn aıtty.