Sadrıddın Ahmedov Taıland týrnırinde altyn oljalady
ASTANA. QazAqparat - Sadrıddın Ahmetov Bangkokte ótken «Korol kýbogy» boks týrnırinde altyn medal jeńip aldy, dep habarlaıdy QazAqparat.
Qazaqstan Boks federatsııasynyń habarlaýynsha, Thailand Invitation International Boxing Tournament týrnırinde Qazaqstan namysyn 7 boksshy qorǵaǵan. Atalǵan týrnırge óz komandalaryn jibergen 18 eldiń ishinde qazaqstandyq bylǵary qolǵap sheberleri úshin basty qarsylasy Kýba men Ózbekstan sportshylary boldy. Boksshylarymyzdyń tek úsheýi ǵana jartylaı fınalǵa 52 kelide Azat Mahmetov pen Erik Áljanov (75 keli) jáne Sadrıddın Ahmetov (69 keli) shyqty. Ókinishke oraı Mahmetov pen Áljanov sol kezdeýde kýbalyq bylǵary qolǵap sheberlerine ese jiberip, qola medaldi qanaǵat tutqan edi.
Al 2016 jylǵy jastar arasynda bokstan álem chempıony Sadrıddın Ahmedov jartylaı fınalda fılıppındik Joel Bahony jarys jolynan yǵystyrdy. Fınalda Rıoda kúmis medal ıelengen ózbek boksshysy Shahram Gııasovpen qolǵap túıistirýi tıis bolatyn. Alaıda, ózbek sportshysy judyryqtasýdan bas tartyp, taı týrnıriniń chempıondyq ataǵy qazaq boksshysyna buıyrdy.
