03:03, 29 Maýsym 2019 | GMT +5
Sadrıddın Ahmedov pen Nurzat Sabyrov Kanadadaǵy boks keshi aldynda salmaq ólshedi
NUR-SULTAN. QazAqparat - Qazaqstandyq boksshylar Sadrıddın Ahmedov (8-0, 7 KO) pen Nurzat Sabyrov (9-0, 8 KO) Kanadanyń Tetfor Mına qalasynda ótetin boks keshi qarsańynda salmaq ólshedi, dep habarlaıdy Sports.kz.

Sadrıddın Ahmedovtyń salmaǵy - 158 fýnt, al onyń qarsylasy, meksıkalyq Danıel Vega Kota (14-3-1, 11 KO) tarazyda 157 fýnt tartty. Alǵashqy orta salmaqtaǵy lımıt - 154 fýnt, biraq tıtýldyq emes aıqas kezinde salmaqtyń artyq-kemdigi eshteńe etpeıdi.
Nurzat Sabyrovtyń jekpe-jek aldyndaǵy salmaǵy - 169,8 fýnt. Majarstandyq boksshy Laslo Tot (7-0, 6 KO) 169 fýnt shyqty. Sýperorta salmaqtaǵy lımıt - 168 fýnt. Degenmen, munda da tıtýldyq jekpe-jek bolmaǵandyqtan, salmaq asyp ketip nemese kem tússe, oǵan mán berilmeıdi.