Sadrıddın Ahmedov pen Batyr Júkembaevtyń álem reıtıngindegi orny belgili boldy
ASTANA. QazAqparat - Boxrec.com qazaqstandyq boksshylar Sadrıddın Ahmedov, Batyr Júkembaev jáne Abylaıhan Qusaıynovty Almatydaǵy jeńisinen keıin reıtıngke qaıtardy, dep habarlaıdy Sports.kz.
Sadrıddın Ahmedov (13-0, 11 KO) birinshi raýndta Ońtústik Afrıkadan kelgen boksshy Nkýlýleko Mhlongony (23-11-1, 18 KO) tórt ret nokdaýnǵa jiberdi. Odan keıin qarsylasy ekinshi raýndqa shyqpaımyn dep sheshti.
Birinshi orta salmaqtaǵy BoxRec reıtınginde Ahmedov qazir 55-shi orynda.
Batyr Júkembaev (20-1, 16 KO) ońtústikafrıkalyq Ksolanı Mkothelıdi (19-8, 12 KO) úsh ret nokdaýnǵa jiberip, altynshy raýndta tehnıkalyq nokaýtpen jeńdi.
Birinshi jartylaı orta salmaqtaǵy BoxRec reıtınginde Júkembaev 67-shi orynǵa jaıǵasqan.
Sońynda Abylaıhan Qusaıynov (12-0, 9 KO) tájikstandyq Bahtovar Saǵyzovty (0-4) jaraqattady, sóıtip tájik sportshysy ekinshi raýndqa shyǵýdan bas tartty.
Jeńil salmaqtaǵy BoxRec reıtınginde Qusaıynov 383-shi orynda tur.
Aıta keteıik, qazaqstandyq úsh boksshy da buryn saıttyń reıtınginen shyǵyp qalǵan bolatyn. Óıtkeni úsheýi uzaq ýaqyt jekpe-jekke shyqpady.
Foto: sports.kz
