Sadrıddın Ahmedov meksıkalyq boksshyny nokaýtpen jeńdi

ASTANA. QazAqparat - Qazaqstandyq boksshy Sadrıddın Ahmedov Kanadada ótken kásipqoı boks keshinde Meksıka ókilin nokaýtpen jeńdi, dep habarlaıdy «SPORTINFORM» SAA.

Birinshi orta salmaq ókilderi Sadrıddın Ahmedov pen Gýstavo Garıbaı (13-10-2, 5 KO) arasyndaǵy jekpe-jek alty raýndqa shaqtalǵan bolatyn. Alaıda besinshi raýndtaǵy Ahmedovtiń bet qaratpaǵan ekpinine meksıkalyq boksshy qaýqarsyz bolyp shyqty - nokaýtqa tústi.

Qazaqstandyq prospekt osymen úshinshi jeńisine qol jetkizdi. Onyń barlyǵynda qarsylastaryn nokaýtqa jibergen. Al Gýstavo Garıbaı on birinshi ret jeńildi.