Sadrıddın Ahmedov argentınalyq «Tsýnamımen» aıqasady

NUR-SULTAN. QazAqparat – «Eye of the Tiger Management» promoýterlik kompanııasy qazaqstandyq kásipqoı boksshy Sadrıddın Ahmedovtiń (10-0, 9KO) kelesi jekpe-jegi qashan ótetinin jarııalady, dep habarlaıdy QazAqparat tilshisi.

WBC nusqasy boıynsha jastar arasynda birinshi orta salmaqtaǵy álem chempıony sharshy alańǵa 7 jeltoqsanda qaıta oralady. Áleýmettik jelidegi «Qazaqstan kásipqoı boksy» paraqshasynda jazylǵandaı, ol Kanadanyń Monreal qalasynda argentınalyq Hose Antonıo Vılıalobospen (12-5-2, 7KO) kezdesedi. Qos qurlyqtyń boksshylary Davıd Leme (40-4, 34KO) men Maks Býrsak (35-5-2, 16KO) aıqasynyń anderkartynda ózara myqtyny anyqtamaq.

«Sadrıddın Ahmedov óziniń jeńis serııasyn jalǵastyrýdy kózdese, Hose Antonıo Vılıaloblos oǵan tuńǵysh ret jeńilis dámin tatyrýǵa tyrysady. Ahmedov – týa bitken daryn ıesi, tehnıkalyq ábjildigimen, kúsh-qýatymen tanylǵan erekshe boksshylardyń biri. Bul aıqasta «Q sarbazy» men argentınalyq «Tsýnamıdiń» teketiresin kóresizder», - delingen «Eye of the Tiger Management» kompanııasynyń habarlamasynda.

Eske sala ketsek, Sadrıddın Ahmedov kásipqoı bokstaǵy onynshy jekpe-jegin qaza aıynyń sońynda ótkizip, 31 jastaǵy meksıkalyq Djonnı Navarreteni (33-15-2, 15KO) tehnıkalyq nokaýtpen jeńgen bolatyn.