Sadrıddın Ahmedov 33 ret jeńgen nokaýtshymen aıqasady

NUR-SULTAN. QazAqparat – 12 naýryz kúni Monrealda (Kanada) boks keshi ótedi, oǵan qazaqstandyq boksshy Sadrıddın Ahmedov (11-0, 10 KO) qatysady, dep habarlaıdy QazAqparat Sports.kz-ke silteme jasap.

Eye of the Tiger Management promoýterlik kompanııasynyń málimeti boıynsha 22 jastaǵy jastar arasyndaǵy WBC álem chempıony jáne birinshi orta salmaqtaǵy WBC Asia belbeýi ıegeriniń qarsylasy 32 jastaǵy tájirıbeli boksshy meksıkalyq Maýro Alberto Lozano (33-10, 24 KO) bolmaq.

Lozano byltyr 24 tamyzda sońǵy jekpe-jegin ótkizip, burynǵy álem chempıony, brıtandyq Lıam Smıtten (29-2-1, 16 KO) tehnıkalyq nokaýtpen jeńildi. Sonymen qatar onyń qarsylastarynyń qatarynda Vanes Martırosıan (36-4-1, 21 KO), Djermell Charlo (33-1, 17 KO) jáne Patrık Teısheıra (31-1, 22 KO) bar. Biraq latynamerıkalyq joǵaryda aty atalǵan boksshylardyń bárinen utylǵan.