«Sadovoe» kásipornynyń sút óniminen ishek taıaqshasy tabyldy
ASTANA. QazAqparat - Aqmola oblysynyń «Sadovoe» kásiporny shyǵaratyn «Barskıe prodýkty» sútinen ishek taıaqshalary bakterııasy tabyldy, dep habarlady QazAqparat QR Ulttyq ekonomıka mınıstrliginiń Tutynýshylar quqyqtaryn qorǵaý komıtetine silteme jasap.
«Alekseevskıı molochno konservnyı kombınat» JAQ óndiretin «Alekseevskoe» qanty bar qoıytylǵan sútten jáne Aqmola oblysynyń «Sadovoe» sút kásiporny shyǵaratyn «Barskıe prodýkty» sútinen ishek taıaqshalary tobyna jatatyn bakterııalar tabyldy. Al, Qaraǵandy sút zaýyty óndirgen «Domık na Hýtore» qaımaǵy ónim tańbalaýynda kórsetilgen maılylyqqa sáıkes kelgen joq, bul tutynýshylardy aldaý bolyp esepteledi», - delingen habarlamada.
Tehnıkalyq reglament talaptaryn buzý faktileri boıynsha, sonyń ishinde qaýipti ónimdi tabý boıynsha komıtet saýda sýbektilerine qatysty sáıkes sharalardy júrgizip jatyr.
Talaptarǵa saı kelmeıtin ónimder týraly «Atameken» Ulttyq kásipkerler palatasyna habar jiberildi, óndirýshilerge qaýipti ónimdi óndirýge jol bermeý jáne olqylyqtardy joıý týraly habarlama jiberildi.
Eske sala ketsek, buǵan deıin Tutynýshylar quqyqtaryn qorǵaý komıteti «Ermıgýrt» kilegeı ıogýrtynan («Erman» JShQ, Máskeý oblysy) jáne «Snejok» qyshqyl sút óniminen (Aqmola oblysy, Esil maı kombınaty) zeń tabylǵanyn habarlaǵan edi.
