Sadyr Japarovtyń jıeni taǵy qamaýǵa alyndy
ASTANA. KAZINFORM – Qyrǵyzstanda prezıdent Sadyr Japarovtyń jıeni Ulan Japarov taǵy da ustaldy. Ol alaıaqtyq jasady degen kúdikke ilindi. Bul týraly vesti.kg jazdy.
Bishkektiń Birinshi Maı aýdandyq soty 21 maýsym kúngi sot qaýlysymen Ulttyq qaýipsizdik komıtetiniń Bishkek qalasy boıynsha tergeýshisiniń ótinishi qanaǵattandyrylǵanyn habarlady. Ulan Japarovqa qatysty 19 tamyzǵa deıin qamaýǵa alý túrindegi bultartpaý sharasy qoldanyldy.
Bul joly Ulan Japarovty Ulttyq qaýipsizdik komıteti ustady.
Keıbir málimetter boıynsha, ol Qyrǵyz Respýblıkasy Prezıdentiniń oblystardyń birindegi ókiletti ókili qyzmetine ýáde berip, bul úshin 100 myń dollardan astam syıaqy alǵan. Alaıda ol ýádesin oryndamaǵan.
Esterińizge sala keteıik, buǵan deıin Ulan Japarov sybaılas jemqorlyqqa qatysy bar degen kúdikpen ustalǵan bolatyn. Ol ýaqytsha ustaý ızolıatoryna qamalyp, artynsha qamaýdan bosatylǵan.
