Sadyr Japarov jumys saparymen Astanaǵa keldi
ASTANA. KAZINFORM – Qyrǵyz Respýblıkasynyń Prezıdenti Sadyr Japarov búgin, 17 qyrkúıekte Ortalyq Azııa memleketteri basshylary jáne Germanııa Federaldyq kantsleriniń ekinshi kezdesýine qatysý úshin Astanaǵa jumys saparymen keldi. Bul týraly Qyrǵyzstan prezıdentiniń baspasóz qyzmeti habarlaıdy.
Qyrǵyzstan prezıdentiniń ushaǵy Qazaqstan astanasynyń halyqaralyq áýejaıyna qondy.
Prezıdent Sadyr Japarovty Premer-Mınıstrdiń orynbasary – Qazaqstan Respýblıkasy Úkimeti Apparatynyń basshysy Ǵalymjan Qoıshybaev jáne basqa da resmı tulǵalar qarsy aldy.
Halyqaralyq áýejaıda qurmetti qaraýyl jasaqtaldy.
Eske sala ketsek, sapar barysynda Prezıdent Sadyr Japarov sondaı-aq Ortalyq Azııa elderi basshylarynyń nemis kásipkerlerimen kezdesýine qatysady, nemis bıznes-qoǵamdastyǵymen jeke kezdesý ótkizedi, Germanııa Federaldyq kantsleri Olaf Sholtspen ekijaqty kelissózder júrgizedi.
